Даследуецца сфера ўжывання і паходжання прыказкі з вялікага грому (часамі, заўсёды) малы дождж (бывае). Выяўлена, што прыказка ў беларускай мове можа ўжывацца як у пераносным, так і ў прамым значэнні, мае інтэрнацыянальную сферу ўжывання, узыходзіць да адной з самых старажытных універсальных народных прыкмет пра надвор'е. Выказваецца меркаванне, што розныя варыянты прыказкі маюць у беларускай мове рознае паходжанне.