Імя нашага земляка Яна Булгака (1876 - 1950) (майстар нарадзіўся ў маёнтку Асташын недалёка ад Навагрудка) без пераболынвання вядома ва ўсім свеце і звязваецца ў першую чаргу з развіццём мастацтва фатаграфіі. Дзякуючы нястомнай працы Булгака фатаграфія пераадолела стэрэатып «прыслужніцы» навук і стала лічыцца адным з відаў мастацтва.
Але уклад маистра у развщце культуры значна большы: Ян Булгак -яшчэ і таленавіты пісьменнік, аўтар не толькі кніг па фотаэстэтыцы («Эстэтыка святла»), гісторыі фатаграфіі і фотамайстэрстве («Бромавая тэхніка»), але і шматлікіх артыкулаў, вершаў, рэцэнзій, падарожных нататкаў. Яго пяру належаць паэма «Мая зямля», у якой выявіліся творчыя, ідэйныя і эстэтычныя погляды пісьменніка, а таксама акрэсліліся асноўныя рысы аўтарскага стылю (лірызм, імпрэсіяністычная манера пісьма, музычнасць верша); серыя «Вандроўкі фатографа ў слове і вобразе», у цэнтры якой знаходзіцца краявід, ягонае непаўторнае аблічча і супярэчлівы характар, спасцігнуўшы які можна зразумець душу народа; успаміны «Край дзіцячых гадоў», у якіх Я. Булгак «энцыклапедычна шырока падае інфармацыю аб жыцці шляхецкага двара сярэдняй рукі на Навагрудчыне, стварае найбольш поўную карціну гаспадаркі і сельскага укладу жыцця з апісаннем галоўных работ і мясцовых традыцый» [2, с. 9]» аўтабіяграфічная аповесць «ДОМ».