Ліцэй Беларускага дзяржаўнага ўніверсітэта - вядомая навучальная ўстанова нашай краіны. Аб тым, каб вучыцца менавіта ў гэтым ліцэі, мараць шмат юнакоў і дзяўчат, але для гэтага трэба мець глыбокія веды па школьных дысцыплінах, быць матывава-ным да вучэння, настойліва і мэтанакіравана імкнуцца да пакарэиня новых вяршынь.
Менавіта такія тут і педагогі - неардынарныя, прафесійна кампетэнтныя, яны ва-лодаюць сістэмным мысленнем, даследчымі навыкамі і маюць пастаянную патрэ-бу у прафесійным развіцці і самаўдасканаленні. Многія настаўнікі — самі ў мінулым ліцэісты, якія вельмі добра памятаюць незвычайную атмасферу свабоды, супрацоўніцтва і творчасці, імкнуцца падтрымліваць і ўмацоўваць ліцэйскія традыцыі.
Ліцэй робіць стаўку на індывідуальны падыход і да вучня, і да педагога, кожны з якіх вольны ў выбары напрамку сваей дзейнасці. Свабода выхоўвае адказнасць і самастой-насць, настойлівасць і ўпэўненасць у сабе. Гэтыя якасці ў спалучэнні з трывалымі ведамі, атрыманымі ў школе, — падмурак поспеху ліцэістаў на цэнтралізаваным тэсціраванні, на алімпіядах і навукова-практычных канферэнцыях, турнірах і конкурсах рознага ўзроўню.
Напярэдадні свайго 25-годдзя Ліцэй БДУ праводзіць дзень адчыненых дзвярэй для ўсіх педагогаў краіны і запрашае наведаць «Метадычную майстэрню», «Алімпійскі штаб» і «Мабільную лабараторыю», дзе вы зможаце пазнаёміцца з сістэмай работы во-пытных настаўнікаў гэтай навучальнай установы, назапасіць каштоўныя ідэі падчас віртуальнай экскурсіі па ліцэі і ўключыць гэтыя ідэі ў свае прафесійнае партфоліа.