XIX ст. адметнае ростам нацыянальнай свядомасці беларускай інтэлігенцыі, з'яўленнем бліскучай плеяды творцаў, прыхільнікаў рамантызму, у якім спалучаліся рысы шляхецкага асветніцтва, дыдактызму і сентыменталізму. На Беларусі пачынае фарміравацца багатая разнажанравая літаратура (Т. Зан, А. Міцкевіч, Я. Чачот і інш.), актыўна развіваецца выяўленчае (М. Андрыёлі, В. Ваньковіч, А. Гараўскі, Н. Орда, Н. Сільвановіч і інш.) і музычнае (М. К. Агінскі, М. Гузікаў, М. Ельскі, Ф. Міладоўскі і інш.) мастацтва. У сузор'і згаданых славутых імён ярка зіхацела і імя Восіпа Антонавіча Казлоўскага (1757-1831 гг.) - знакамітага кампазітара, віяланчаліста, педагога.