У Адама Міцкевіча ёсць рамантычна ўзнёслы верш «Смерць палкоўніка». Паэт усхвалявана апісвае апошнія хвіліны жыцця змагара за свабоду Айчыны. Толькі ў заключных радках чытач даведваецца, што камандзірам касіянераў была дзяўчына: «Толіцвінка Эмілія Плятэр!». Вобраз нашай славутай суайчынніцы ўвасоблены і ў выяуленчым мастацтве: прыгадаем манументальнае палатно Яна Разена «Эмілія Плятэр на чале касіянераў у 1831 г.», карціну Войцэха Косака «Эмілія Плятэр у баі пад Шаўлямі», партрэт Эміліі Плятэр, напісаны Карлам Меерам. Імя гэтай мужнай дзяўчыны носіць адна з цэнтральных вуліц Варшавы, у шэрагу еўрапейскіх краін у яе гонар узведзены помнікі. Чым жа заслужыла такі гонар 25-гадовая ліцвінка, названая сучаснікамі беларускай валькірыяй?