Адкрыты урок - гэта педагагічная падзея, якая можа разглядацца як сродак дэманстрацыі эфектыўных інавацыйных метадаў і прыёмаў арганізацыі адукацыйнага працэсу, як магчымасць для прафесійнага самаразвіцця і самасцвярджэння настаўнікаў, як інструмент уплыву на якасць адукацыі вучняў. Па сваёй сутнасці такі ўрок сапраўды з'яўляецца адкрытым: для калег, для дыялога, для апаніравання, для крытыкі. Такім ён можа быць нават на этапе падрыхтоўкі, калі педагог, карыстаючыся шматлікімі крыніцамі, знаходзіць патрэбную яму інфармацыю, арганізуе абмен эфектыўным вопытам з калегамі, павышае сваю прафесійную кампетэнтнасць.