Адным з кірункаў пазаўрочнай дзейнасці з'яўляецца падрыхтоўка вучняў да алімпіяд розных узроўняў, якую мы падзяляем на сістэмную і інтэнсіўную. Сістэмная работа праводзіцца падчас факультатыўных, стымулюючых і індывідуальных заняткаў, а таксама праз урочныя індывідуальныя заданні. Вучням прапаноўваюцца заданні творчага характару з нарастаючай складанасцю на працягу ўсяго перыя-ду навучання. Для здольных школьнікаў гэта не з'яўляецца перагрузкай, а хутчэй становіцца дадатковым стымулам пры вывучэнні
матэматыкі. Уменне рашаць алімпіядныя задачы не прыходзіць само па сабе: па сілах яны будуць толькі тым, хто не абмяжоўваецца рашэннем такіх задач ад выпадку да выпадку, а працуе над імі пастаянна.