Сучасныя школьнікі — гэта дзеці з мабільным інтэрнэтам у кішэні. Яны часта апераджаюць сваіх настаўнікаў у авалоданні камп'ютарнымі тэхналогіямі, і таму зусім не проста зацікавіць іх інфармацыяй, якая трансліруецца на уроках ці падчас пазаўрочных мерапрыемстваў традыцыйнымі спосабамі. Час патрабуе змянення падыходаў да адукацыйнага працэсу.
Прапаную вашай увазе вопыт Віцебскага абласнога інстытута развіцця адукацыі па правядзенні абласных дыстанцыйных конкурсаў, у ходзе якіх канструктыўна вырашаюцца задачы грамадзянска-патрыятычнага выхавання і фарміравання нацыянальнай самасвядомасці навучэнцаў. Гэтыя масавыя анлайн-мерапрыемствы для дзяцей і падлеткаў супрацоўнікі аддзела па падтрымцы і суправаджэнні педагагічных ініцыятыў у рабоце з адоранымі дзецьмі наладжваюць пры дапамозе сэрвісу Google Дыск і яго інструментаў, а таксама відэахосцінга YouTube.