Выхаванне нацыянальнай самасвядомасці падрастаючага пакалення — праблема асаблівай грамадзянскай значнасці. Ад эфектыўнасці яе вырашэння ў вялікай ступені залежыць духоўнае здароўе нацыі, перспектывы развіцця краіны.
Пад нацыянальнай самасвядомасцю асобы звычайна разумеюць асэнсаванне чалавекам сваей прыналежнасці да пэўнага этнасу, уласнага месца і ролі ў грамадстве, наяўнасць у яго павагі да роднай мовы, нацыянальных традыцый, звычаяў, абрадаў.