Сучасныя тэндэнцыі адукацыйнай палітыкі нашай краіны педагогі СШ № 2 г. Полацка ўвасабляюць у жыццё праз адмысловую матрычную мадэль выхаваўчай работы. «Дасвед-чаны калектыў ставіць перад сабой высокія мэты, а іх дасягненне — справа не аднаго дня. Мы верым, што ўсё, пра што марым сёння, заутра будзе рэальнасцю. Яднанне розумаў і рук можа стаць амаль усемагутным», — лічыць дырэктар школы Святлана Міхайлаўна Валюшкіна і ставіць перад калектывам аднадумцаў усё новыя і новыя задачы, накіраваныя на рост прафесійнай кампетэнтнасці кожнага настаўніка, на напаўненне культурна-адукацыйнай прасторы школы ўнікальным зместам.
У апошнія гады педагогі ўключыліся ў рэалізацыю рэспубліканскага інавацыйнага пра-екта па фарміраванні каштоўнасна-сэнсавых кампетэнцый школьнікаў праз арганізацыю духоўна-асветніцкай працы. Рабяты актыўна ўдзельнічаюць у праекце «Зялёныя школы», што дало магчымасць навучальнай установе стаць партнёрам праекта 8РАRЕ і ажыццяўляць мэтанакіраваную дзейнасць па кансалідацыі намаганняў вучняў, настаўнікаў, прадстаўнікоў мясцовых органаў улады і арганізацый, бізнес-сектара і ўсіх спажыўцоў энергетычных рэсурсаў з мэтай захавання энергіі і ў цэлым прыроды. У школе распрацаваны і лакальныя праекты ў гэтым кірунку, рэалізацыя якіх адбываецца з дапамогай шэрага зацікаўленых партнёраў. Работа прававых класаў дазволіла ўвасобіць у жыццё яшчэ адзін значны праект па фарміраванні грамадзянска-прававой культуры навучэнцаў.
Жадаем педагагічнаму калектыву СШ № 2 г. Полацка здзяйснення ўсіх планаў і праектаў. Мы ўпэўнены, што наша супрацоўніцтва будзе мець працяг.