Асноўныя правілы падручніка пададзены ў выглядзе схем і апорных канспектаў, што павышае цікавасць да прадмета, робіць навучанне больш легкім, дазваляе вылучыць галоўнае, сканцэнтраваць увагу на найбольш важных граматычных з'явах.
Прапанаваны матэрыял адпавядае вучэбнай праграме па беларускай мове і можа быць выкарыстаны як пры тлумачэнні новай тэмы, так і пры паўтарэнні і замацаванні вывучанага раней.
Адрасуецца вучням і настаўнікам устаноў агульнай сярэдняй адукацыі з беларускай і рускай мовай навучання.