У артыкуле разглядаюцца паэтычныя і празаічныя творы З.Бядулі, прысвечаныя падзеям Першай сусветнай вайны. Характарызуюцца асноўныя матывы, што вызначаюць вершаваную спадчыну мастака слова (вайна-праца, вайна-ігрышча, дзікая гульня, дзіўнае вяселле). Аналізуюцца тыпалагічныя сыходжанні твораў аўтара з плёнам айчынных і замежных пісьменнікаў на тую ж тэматыку. Асобнае месца адведзена разгляду аповесці "Набліжэнне", што атаясамліваецца з матывам "даследавання" вайны персанажам-цывільным, які паміж іншым, спазнае таямніцы судачынення свайго і чужога. Адзначаецца негатыўнае стаўленне З.Бядулі да ўсіх разбуральных праяў татальнага канфлікту.