Захаванне матэрыяльнай і нематэрыяльнай гісторыка-культурнай спадчыны - адна з галоўных задач сучаснага грамадства. Менавіта сядзіба доўгі час з'яўлялася асноўнай крыніцай фарміравання народнай духоўнай і матэрыяльнай культуры. Сядзібна-ландшафтны комплекс як сукупнасць помнікаў сядзібна-паркавага мастацтва і культурнага ландшафту пэўнай мясцовасці праз захаванне, прэзентацыю і папулярызацыю гістарычнай памяці выступае значным фактарам грамадскага развіцця.
У артыкуле разглядаюцца сядзібна-ландшафтныя комплексы на тэрыторыі Беларусі. Паказана значнасць сядзібнай культуры для трансляцыі яе будучым пакаленням. Уздымаецца праблема захавання культурнага ландшафту як складніка сядзібы. Вылучаюцца аптымальныя кірункі захавання і далейшай прэзентацыі помнікаў сядзібна-паркавага мастацтва ў сучасных сацыякультурных умовах.