Тэндэнцыі рэгіяналізацыі, пры якіх узмацняецца цікавасць да культуры беларускіх рэгіёнаў, усё часцей заяўляюць пра сябе на сучасным этапе развіцця грамадства. Пры гэтым на адно з першых месцаў выходзіць пытанне рэпрэзентацыі і абуджэння цікавасці да культурных здабыткаў пэўнага горада, раёна, вёскі. З шырокага спектра механізмаў у межах гэтага працэсу вялікае значэнне набывае сацыякультурны кластар - інтэграваная сукупнасць устаноў культуры, адукацыі, інфармацыі, камерцыйных арганізацый, грамадскіх аб'яднанняў і іншых суб'ектаў з мэтай развіцця сферы культуры ў розных праявах.